Ürəyi oldu kədər, yaşla gözü doldu namaz,
Cahil müsəlman əlindən saralıb-soldu namaz,
Arzular kölgə, dinimin sütunu oldu namaz,
Sütunu tərk eləyib kölgəyə bel bağlamısan.

Zəmanə təqsiri yoxdur bunlar insan işidir,
Bəzisi zənn eləyir ki, heyatda bir kişidir,
Amma fərmanlıq edən həmin erkeyə dişidir,
Dişi simalı olan ərkeyə bel bağlamısan.

Adı Nadir, özü Nadirləri yaddan cıxarıb,
Dolanıb ölkələri, Pirləri yaddan cıxarıb,
Bu həyat səhnəsində Şirləri yaddan cıxarıb,
Qaza bel bağlamlsan, ördəyə bel bağlamısan.

Əməli nadürüst insan özü təlxək kimidir,
Onun həm əyrisi, həm də düzü təlxək kimidir,
Ürəyindən çıxan hər bir sözü təlxək kimidir,
Nədən aldanıb həmin təlxəyə bel bağlamısan?!