‘İlk’ Yazı Arşivi

Ədhəm krantda yaxşı-yaxşı yuyundu. Başını qaldıranda yanında qəşəng bir qızın da­yan­dığını gördü. Nə vaxt gəldiyindən xəbəri olmamışdı.

Baxışları qızın baxışları ilə toqquşan anda kimsə çağırdı:

- Harda qaldın, Rasimə?.. – Qız səsi idi. Həyətin o başından, Zərifə xalagildəndi.

Rasimə üzünü səs gələn tərəfə çevirib:

- Gəlirəm, – dedi və əlindəki çaydanı krantın altına tutdu.

Ədhəm onları tanımırdı. Ağlı kəsəndən Zərifə xalanı o evin altında tək görmüşdü. Lə­nət şeytana, haçansa o evə bir kişi də girib-çıxardı. Əl ağacının köməyi ilə azar dəymiş toyuq kimi həyət-bacada sozala-sozala hərlənər, tezcə də yox olardı. Günlərin birində Zərifə xala­nın tükürpədici səsi qonşu-qonumu həyət-baca ilə bir elədi… Bir səhər də durub gördülər ki, heç kim yoxdu. Camaat necə birdən gəlmişdisə eləcə də birdən çəkilib getmişdi. O vaxtdan o kişi bir də həyətdə görünmədi…

- Zərifə xalanın kişisi necə oldu, ana?.. – Bir dəfə balaca Ədhəm soruşdu.

- Öldü, bala. – Anası hüznlə bildirdi. – Yazıq xəstəydi…

“Ölmək” sözünün mənası Ədhəmə sonralar, tədricən çatdı…

Zərifə xalanın bir oğlu da vardı. Evliydi. Şəhərin başqa yerində yaşayırdı. Atası dünya­sı­nı dəyişəndən sonra neçə dəfə anasını yanına aparmaq istəmişdi, arvad razılaşmamışdı…

Ədhəm məhrəba ilə qurulana-qurulana pəncərədən boylanıb krantın üstünə bir də bax­dı. Rasimə çağırılan qız dabanıəzik tuflilərini taqqıldada-taqqıldada xırda addımlarla Zərifə xalanın evinə girdi. Qapının güllü pərdəsini arxasınca saldı. Çəkib yanlarını düzəltdi…

Anası çörək doğradığı bıçağı kənara qoyub Ədhəmi tələsdirdi:

- Gəl otur, bala, yeməyini soyutma. Məktəbə gecikərsən.

Ədhəm stol arxasında soruşdu:

- Ana, Zərifə xalanın evindəki qızlar kimdi?..

- Zərifə xalayın kvartirantlarıdı. Sən dayıngildə olanda yığışıblar.

- Zərifə xalaynan bir yerdə qalacaqlar?..

- Yox, özü daşındı oğlugilə. – Anası nə bilirdi onu da əlavə etdi. – İki bacıdılar. Bö­yüyü institutda həkimlik oxuyur, bu il qurtarır. Sən görən kiçiyidi. İkinci kursda, müəllim­likdədi…

* * *

Həmin gündən Ədhəm daxilində nəsə qəribə dəyişikliklər hiss etməyə başladı. Qəl­bin­də o günə qədər duymadığı, yaşamadığı yeni, qeyri-adi hisslər oyanmışdı. Rasimə evdə olan­da Ədhəm gözünü bayırdan çəkə bilmirdi. Baxışları bacıların girib-çıxdığı qapı ilə su krantı arasında əsir-yesirdi. Su hər şırıldayanda dik atılırdı. Yalvarırdı ki, suya gələn Rasimə olay­dı…

Rasimə instituta birinci növbə, Ədhəm isə məktəbə ikinci növbə gedirdi. Qızı bir səhər­lər görürdü, bir də axşamlar. Əvvəllər gün çıxar, qalxardı bir boy, iki boy … qızardı. Ədhəm gözünü açmaz, yatağından qalxmazdı. Anası elə hey gileylənərdi:

- Tayların nə vaxtdı durub. Sən hələ yuxu bişirirsən. Kimə oxşadın, ay bala, belə tən­bəl, yatağan…

İndi bu giley-güzara son qoyulmuşdu. Günün yeri çırtlamamış sehirli bir əl Ədhəmi çə­kib yorğanın altından çıxardırdı. Duran kimi də həyətə yenirdi. Nəfəsi kəsilənə qədər qaçır, həyəti dörd dolanır, əl-qolunu oynadır, atılıb-düşürdü. Dönə-dönə krantda yuyunurdu…

Hamısı Rasiməyə görəydi. Səhər-səhər onu görmək, nəzər-diqqətini cəlb etmək, qum­rov kimi cingiltili, məlahətli səsini eşitmək üçündü. Pis oydu ki, Ədhəm qızla üz-üzə, göz-gö­zə gəlməkdən çəkinirdi. Əksər hallarda Rasimə həyətdə görünən kimi yox olurdu. Hardasa daldalanır, ona kənardan oğrun-oğrun, gizlicə tamaşa edirdi. Qızla bir-iki kəlmə kəsən kimi utanıb özünü-sözünü itirirdi…

Bir dəfə Rasimə ağızucu maraqlandı ki, nə əcəb səhərlər yuxudan belə tez durur? O ki, ikinci növbədi? Ədhəm əvvəlcə çaşdı. Sonra ağlına gələn ilk fikri dedi:

- Adət eləmişəm… – Tez də həyət-bacaya göz gəzdirdi ki, görsün eşitmədilər.

Qonşuları Hüseyn əmiyə nə desin! Aradan heç ikicə gün keçmədi Ədhəmin paxırını aç­dı.

- Bu kişi qırığıyın qulağına səs dəyib-nədi, ay Səlbi? – dedi. – Qabaqlar onu linglə qal­dı­rardın, indi xoruz banına oyanır…

Rasimənin bir qulağı onlardaydı, hamısını eşidirdi.

Anası güldü.

- Nə bilim, ay Hüseyn qardaş, yəqin indi-indi ağlı kəsir. Deyir, müəllimimiz tapşırıb ki, səhər-səhər tez durun, təmiz havada idman eləyin, xeyirdi…

Ədhəm özündən uydurmuşdu. O da vardı ki, idman müəllimi bunu elə həmişə deyirdi…

* * *

Bir zaman Zərifə xala qapısının ağzındakı skamyada oturub bütün günü corab toxuyar­dı. İndi onu həmin skamyada bacılar əvəz etmişdi. Böyük bacı həyətdə az-az görünərdi. O da Rasiməynən. Özünü ağır tutardı. Rasimə belə şeylərə fikir verməzdi. Gün batan kimi əlində kitab qapının ağzında peyda olardı. Yaxşı da eləyərdi. Həyətdə çəkinməli adam yoxdu. Kişi adına bir Ədhəmin atasıydı, bir də Hüseyn əmi. Onlar da neftçiydilər, neft mədənlərində işlə­yir­dilər. Səhər gedib axşam gəlirdilər. Hətta bəzən günlərlə itib-batırdılar…

Ədhəmgilin evinin qabağında bir tut ağacı vardı. Tut vaxtı allahın verən günü Ədhəmi onun kəlləsində görərdin. Tut çoxdan sovulmuşdu. Ədhəm yenə onun üstündəydi. Qaranlıq qarışan kimi balkondan adlayıb sıx budaqların arasında yerini rahatlayardı. Sanki filmə bax­mağa hazırlaşardı. Bu “film” dünyada ən maraqlı filmdi. Bircə də qəhrəmanı vardı: Rasimə! Ədhəmə elə gəlirdi ki, ömrü boyu bu filmə eyni həvəs, eyni maraqla baxar, doymaz! Çün­ki Ədhəm hər axşam bu “filmdə” özü üçün nəsə bir yenilik, təzəlik kəşf edər, tapardı…

Hərdən ehtiyatsız dəbərib budaqları tərpədəndə Rasimə diksinərək başını qaldırıb alt­dan yuxarı tut ağacına sarı boylanardı. Bir şey görməyib gözlərini təzədən kitaba dikərdi. La­kin bəzən qız budaqların tərpənməyini vecinə almazdı. Ədhəm bununla təyin edərdi ki, oxu­duğu kitab maraqlıdı, ya yox…

Rasimə dizdən yuxarı, qapılarının pərdəsi kimi güllü xalat geyinərdi. Oturanda ətəyi bir qarış yuxarı qaçardı. Qəşəng, şümşad kimi düz, uzun qıçları bayırda qalardı…

Növbəti dəfə yanından ötəndə Rasimə Ədhəmi saxlayıb yenə sorğu-suala tutdu:

- Neçənci sinifdə oxuyursan? Dərslərindən neçə alırsan?..

Ədhəm qızın bircə sualına cavab verə bildi. Dedi ki, səkkizinci sinifdə oxuyur. Qalan su­allarını, sözlərini heç eşitmədi. Çünki baxışları qəfildən qızın nəfəs aldıqca ahəstəcə qal­xıb-yenən ağappaq, mərmər sinəsinə sa­­taşdı. Güllü xalatının açıq düymələri arasından sürü­şüb içəri düşdü. Oğrun-oğrun, hürkək-hürkək. Başı gicəllənmiş kimi sinəsi aşağı yuvarlandı…

Ədhəm tez üzünü çevirdi. Rasimənin qıyqacı baxışları çatıldı. Qoşa badam içi dodaqla­rı kipləşdi, yenidən açıldı.

- Üzünü yana niyə tutdun? Olmaya məndən utanırsan?..

Ədhəm üzünü təzədən qıza tərəf çevirdi. Baxışları istər-istəməz bayaq iz saldığı yerlər­də gəzdi. Yenə tab gətirmədi. Bu dəfə başını aşağı saldı. İkinci oda düşdü. Rasimənin kruje­va­lı ipək alt köynəyi, dizdən yuxarı açıq qıçları baxışlarını yandırdı, cızıldatdı…

Aman allah! Qız bütün bunları indicə hiss etdi və cəld əlini yaxasına apardı, sinəsini ört­­dü. Xalatının ətəyini çəkişdirdi.

- Bağışla… – Pıçıldadı.

Ədhəm qıpqırmızı qızardı. Yanaqları, qulaqları od tutub yandı. Dayana bilməyib evləri­nə qaçdı. Neçə gün Rasimənin gözünə görünmədi…

* * *

Otağın baş tərəfindəki bədənnüma aynanın qarşısında Rasimə daha sehrli, daha cazibə­dardı. İki Rasimə üz-üzə, göz-gözə dayanardı. Bir-birilə bəhsə girərdi. Bir-birinə naz satardı. Biri uşaq kimi dodağını büzər, gülə-gülə dilini çıxardar, saçı ilə oynayar, yüz fason göstərər­di. O biri ondan geri qalmazdı. Sonra Rasimə oxuyardı. Həmişə də eyni mahnını, eyni sözlə­ri. Elə bil başqa söz bilməzdi.

Qurbanlıq istəsən,

Yar, deyim özümü…

Ədhəm onun zərif, məlahətli səsində bir həzinlik də tapardı. Danışığında bu yox idi. Oxuduğu mahnıdan süzülərdi. Bir də, Ədhəm yalnız həmin anlarda bilərdi ki, Rasi­mə­­nin ay­na­ya baxa-baxa oxuması təsadüfi deyil. Qız səsini də orada görürdü…

* * *

Rasiməgilin otağındakı işıqlar tez sönərdi. Amma gecə lampası hələ bir müddət yanar­dı. Bacılar bu lampanın işığında siluetlərə dönərdilər. Siluetlər otaqda o baş-bu başa hərəkət edər, nəyisə götürüb-qoyar, kölgələri divarlarda oynayar, nəhayət, yataqlarını açıb soyunardı­lar…

Ədhəm bunların hamısını bacıların pəncərəyə vurduqları yarımka pərdənin üstündən gö­rər, maraq oduna yanardı. Ürəyi az qalardı sinəsini deşib çıxsın. Hər dəfə ona elə gələrdi ki, bax, indicə nəsə olacaq … nəsə … Lakin gecə lampası da gözünü qırpar və hər şey qurta­rar­dı. Daha doğrusu, yarımçıq qalardı…

Ən qəribəsi, Ədhəm məyus olmaqdansa sevinərdi. Niyə? Özü də baş açmazdı. Əlləri, ayaqları, bütün bədənu əsə-əsə, uçuna-uçuna ağacdan düşərdi. Düşəndən sonra da hələ nə qə­dər o anların həyəcanını yaşayardı…

Yorğan-döşəyində kirpikləri qovuşan kimi hər şey təzədən təkrarlanar, “gecə seansı” başlanardı. Yenə Rasimə qapının ağzındakı skamyada əyləşib kitab oxuyardı, aynanın qaba­ğında dayanıb yüz fason çıxardardı və yenə gecə lampası göz qırpardı… Ədhəmin gündüz gör­dükləri ilə gecə gördükləri bir-birinə qarışardı. Elə qarışardı ki, hansını nə vaxt gördüyünü ayırd edə bilməzdi…

* * *

Ədhəm yenə yoxa çıxmışdı. Anası Səlbi pəncərədən üzü qaranlığa nə qədər boylandısa bir şey seçə bilmədi. Həyətin o başında Rasiməgilin lampaları da söndü. Aşağıda, pəncərədən düşən işıq zolağında Səlbinin iri, yöndəmsiz kölgəsi daha da qatılaşdı.

- Ədhəm, ay Ədhəm!.. – Səlbi əlacsız qalıb oğlunu bərkdən harayladı.

Ancaq cavab almadı. Birdən tut ağacının pəncərəyə doğru uzanan budaqları tərpəndi. Səlbi başını qaldıranda nəsə bir qaraltının ona tərəf irəllədiyini gördü. Əvvəl qorxdu, sonra Ədhəmi tanıyıb təəccübləndi.

- Gecəquşusan, a bala? Ağacda nə gəzirsən?..

Ədhəm ağır-ağır, ehtiyatla budaqdan-budağa keçərək pəncərəyə adladı. Lal-dinməz, key-key anasının üzünə baxdı. Sonra içəri atıldı. Dayanıb yenə həmin baxışlarla gözünü döy­dü…

Səlbi bu müəmalı, anlaşılmaz baxışlardan ehtiyatlandı. Ədhəmin başını yüngülcə sinə­si­nə sıxdı. Saçlarını sığalladı. Titrək əllərini tutub ovcunda saxladı.

- Xəstəsən, Ədhəm?.. – Soruşdu.

- Yox… – Ədhəm handan-hana dilləndi.

- Bəs niyə qızdırmalı adam kimi uçunursan? Rəngin-ruhun da qalmayıb. Ağacda nə­əzir­din gecənin bu vaxtı?..

Ədhəm öz hisslərinə görə anasından utandı. Qulaqlarının yavaş-yavaş istilənib yanma­sından qızardığını anladı. Anasının qollarını aralayıb yataq otağına qaçdı. Tezcə də soyunub yatağına girdi. Səlbi də daha heç nə soruşmadı…

Ədhəm qaranlıqda anasının yüngül ayaq səslərini eşitdi. Sonra da çarpayısı cırıldadı. Ba­şa düşdü ki, atası evdə yoxdu. Atası gecə növbəsinə gedəndə Səlbi adətən onun otağında yatardı…

Otaq bir müddət gecənin qaranlıq sükutunda üzdü. Nəhayət, bulanan göl kimi tədricən durulmağa, aydınlaşmağa başladı. Daha doğrusu, Ədhəmin gözü qaranlığa alışdı.

- Ana, eşidirsən?.. – Yastığına dirsəkləndi.

- Hə… – Anası səsinə səs verdi.

Bir-birinin sifətini yaxşı seçmirdilər. Bəlkə elə buna görə Ədhəm cəsarətliydi.

- Ana, ömründə heç bircə adamı sevmisən? Amma gülmə, haa!..

Cavab bir az gecikdi. Səlbi fikirləşirdi.

- Daha gülmək niyə, oğlum? – Dedi. – Bax, səni, atanı sevirəm. Sağlığında anamı çox se­virdim…

- Elə sevmək yox ey… – Ədhəm anasının sözünü kəsdi. – Mən əsl məhəbbətdən danışı­ram…

- Bəs mənim məhəbbətim əsl məhəbbət deyil, oğlum?..

Ədhəmə elə gəldi ki, anası incidi. Nə qədər fikirləşdisə demək istədiyini çatdırmaqçün münasib söz tapmadı. Bir də Ədhəm bu mövzuda anası ilə ilk dəfəydi danışırdı. Sıxılırdı. Nə­hayət, çətinə düşən adam kimi mızıldandı.

- Məhəbbətdi e… Amma mən o kinolarda olur haa…

- Hə, aydındı… – Anası şuxluqla güldü. – Məgər biz atanla bir-birimizi lap elə o kinolar­dakı kimi sevmirik?..

Ədhəm nəsə xatırlayıb bu axmaq suala görə özünü danladı. Axı atası ilə anasının bir-bi­rini necə sevdiyini yaxşı bilirdi. Ondan bilirdi ki, haçansa atası anasının bir cüt hörüb çiyin­ləri aşağı arxaya atdığı saçlarını sığallayaraq demişdi:

- Sənin bu buruq-buruq saçların nədənsə mənə həmişə bizim neft buruqlarını xatırladır, Səlbi…

Bax onda Ədhəmə elə gəlmişdi ki, anası bu bənzətmədən bərk inciyəcək. Axı anasının ətirli, ipək kimi saçlarını mazutlu  buruqla necə müqayisə etmək olardı? Çox da atası üçün o mazutlu buruqlar da anası, onun ətirli ipək saçları kimi əzizdi. Çox da kənardan baxanda ana­sının hörükləri o mazutlu neft buruqlarına, doğrudan da, bir az oxşayırdı…

Lakin anası bircə qram da inciməmişdi. Əksinə, atasının üzünə baxıb xoşbəxt-xoşbəxt gülümsəmişdi. Ədhəm də başa düşmüşdü ki, onlar bir-birini həqiqətən sevir. Əsl məhəbbətlə sevir. Lap kinolardakı kimi!..

O axşam Ədhəm də xəyalən saçlarını çiyinləri aşağı tö­kərək Zərifə xalanın qapısı ağ­zın­dakı skam­yada oturub kitab oxu­­yan Ra­­si­mə­ni Xəzərin sahilində, bulvarda gördüyü məc­nun söyüdlərə oxşat­dı. Hansı ki, se­vən­lər onların altında görüşər, bir-bi­ri­nə ürəkləri­ni açar, baş-ba­şa verib pıçıldaşmaqdan doy­maz­­dılar. Əd­həmin ən bö­yük arzusu günlərin bir günü Ra­si­mə ilə o söyüd­lərdən birinin altında görüş­mək, sevişməkdi…

Ədhəm bilmədi Rasimə onun bu bənzətməsini eşitsə, anası bir zaman atasının bənzət­mə­si­ni eşidib üzünə xoşbəxt-xoşbəxt gü­lümsədiyi kimi gülümsəyərdimi?..

- Ana, deyim, mən kimi sevirəm?..

Ədhəm özü də bilmədi bunu nə vaxt ağzından qaçırtdı.

Anasının çarpayısı cırıldadı.

- Kimi, Ədhəm?..

Ədhəm maraqla ona qulaq kəsilən anasına tərəf döndü.

- Rasiməni… – Dedi, tez də yorğanı başına çəkdi.

- Kimi? Rasiməni?.. – Anası təkrar soruşdu. Sonra şən-şən, ürəkdən güldü.

Ədhəm başını yorğanın altından çıxartdı.

- Niyə gülürsən, ana? Pis qızdı?..

- Yox, qəşəng qızdı!.. – Anası o saat ciddiləşdi. Ədhəm də inandı ki, anası bunu sidq-ürəkdən deyir. – Kaş böyük oğlan olaydın, Ədhəm! Rasiməni sənə alardım. Həyətimizdə bir toy çaldırardıq ki!..

Ədhəm o gecə ilk dəfə Rasimə ilə özünün toyundan bəzi şeyləri fikrində canlandırmağa çalışdı. Nə qədər baş sındırsa da doğru-dürüst heç nə alınmadı. Eləcə yuxuladı.

Yuxusunda da ilk dəfə sübhəcən toy gördü. Həyətlərində elə hey toy çalındı. Qəribə bu­rasıydı ki, toyxanada Rasimə ilə yanaşı əyləşən Ədhəm deyildi. Qonşu məhəlləli oğlandı. Hansı ki, bu yaxınlarda evlənmiş və Ədhəm onun paxıllığını çəkmişdi. Rasimə də heç Rasi­məyə oxşamırdı. Məcnun söyüddü ki, durmuşdu. Başında da qardan ələnmiş ağappaq gəlinlik örpəyi…

Müəllif: Eyvaz zeynalov

Ürəyim ilk bahar çırpıntısıyla döyündüyü vaxtlarda dodaqlarımın ilk təbbəsümü sən idin………Sonra bu təbbəsümü, daha sonralar isə gülməyi unutdum……Bir gün qarşında dayanaraq qürürumu sındırıb, titrək dodaqlarımla səni sevirəm deməyi cox arzu etdim………amma inanmıram bu nə vaxtsa reallaşsın, lənətə gəlmiş qürurum ucbatndan…..Bilirsən sənsiz telefonum da susub. Indi səni gözlərkən pəncərəmin önündən həmişə seyr etdiyim küçələrə lənət yağdırıram…….

Ağlıma gələn ilk fikir əlvida təbəssümümdür……Heç vaxt təbəssümüm uçmazdı dodaqlarımdan……Sən demə dünya sənsiz də mövcud ola bilərmiş……Təsəvvür et indi….Sənsiz fırlanan bir dünya var içimdə……indi təbəssümüm dodaqlarımda öz doğmalığını itirib……Yad adamın üz-gözündə, dodaqlarında dolaşır sanki…….Bu sözləri yaza-yaza hiss edirəm ki, dodaqlarım qaçır…..hə, düz başa düşdünüz oturub dəlicəsinə ağlamağım gəlir…….sənsiz bərbadam………darmadağınam………..sınıq söküyəm……….Bu Bərbad, Darmadağın, Sınıq Sökük ürəyimin hər xarabalığında ayaq izlərin var………..Həə br də dodaqlarımdan doğma təbəssümün belə tez silinmməsinə çox üzülürəm…….indi qondarma bir təbəssüm bütün üz cizgilərimi qucaqlayıb…..ilk dəfə idi anladim ki, “O” ayaq basdığım dünyada gəzmir daha………….sən mənə uzaqsan dünyalar qədər………son vaxtlar lal təbəssümüm haqqında düsünmürəm…….sənsiz dodaqlarımın ilk təbəssümü də elə bil qatara düzülüb harasa uçub gedən quşlar kimi bir də geri dönməyəcəklər. Açığı “Onu” belə tanımırdım……Indi də onun belə…….olmasına inanmıram. Indiyə qədər onun haqqında niyə bu cür fikirləsmədiklərim bütün düsüncələrimi işğal etmişdi…..lal bir sükut hökm sürürdü ürəyimin hər döyüntüsündə…….otağıımda isə kar bir sükut vardı………Bəzən taleyin elə anı olur ki, insanın hüdudsuz və təbii düşüncələrini, duyğularını qəribə bir darıxmaqlar əvəz edir. Heç özüm də bilmirəm, niyə indidən darıxmağa başlamışam?Amma insan gərək özündən xəbərsiz içində qandalanan darıxmaqları da boğmağı bacara. Bu gün darıxmaqdan yazmyacaqdım. Nə isə. Sənə nifrət edirəm. Bilirsən, insan nifrəti zəlzələ kimi, qasırğa kimi qarşısıalınmazdır, insan qəzəbi vəhşi heyvanların yırtıcı xislətindən də dəhşətlidir……….İndi yorğun gözlərimin dikiliyi nöqtədən, Allah bilir neçə min metrlər aralıdasan………düşüncələrim də otağımdan çoxx çoxx uzaqlardadır indi………Sənin haqqında düşüncələrim mənim nəzərimdə dəyişib artıq, şəhərin yollarıı, insanların yaşadığı mənzillər, əvvəlki vağzallar, hətta görüdüyüm və tanıdğım insanlar da indi başqaalaşıb……..Dəyişməyən hələ də içimdə olan duyğularımdır……….tər-təmiz, heç bir çirkaba bulaşmamış duyğularım……O duyğular ki, mən onları qəlbimin ən dərin və soyuq guşəsində basdırdım, səni də xəyallarımın qəbirstanlığında………….İnsanları tanımağı çox tez bacarıram, hətta heç vaxt görmədiyim, tanımadığım insanın üz cizgsinin tərpənişi, adi bir əl hərəkəti və.s ilk 5 dəqiqədən artıq mənə nə isə deyir. Bəzən gözümün içinə baxa baxa yalan danışan isanları, bəzən öz yalanlarını inadkarcasına müdafiə edənlərin, bəzən də özlərini nəyin bahasına olursa olsun haqlı çıxarmaq istəyənlərin sifətlərinə bircə kinayəli təbəssümümlə cavab vermişəm. İnsanaların gözlərindəki yalanları, qəlblərindəki saxtalıqları həmişə hiss etmişəm. Əslində görünən pərdə olsa da, o pərdənin arxasındakıları da görməyi bacarmışam. Həqiqətlərin müdafiəyə heç vaxt ehtiyacı olmayıb. Amma bütün bunları bilə bilə o insanları özümə bir addım yaxın buraxmışam, bir daha qırılmışam, axı mən bunları tanıyırdım, niyə imkan verdim ki, belə olsun demişəm………..Yox, bəlkə mən yanılıram, bu elə deyil çox demişəm. O insanları (fərqi yoxdur, bu qız, oğlan, dırnaqarası dostlarım və.s ola bilər) silmişəm həyatımdan, amma eynisini yenidən bir addım yaxın buraxmışam. Ən dəhşətlisi budur ki, bütün bunları bilə bilə etmişəm..Qəribədir, yəqin özüm özümü oda salmaqdan heç özümə də aydın olmayan nədənsə zövq alıram………Bilirsən, mən həmişə özüm özümü aldatmışam. Amma bunu bir özüm bilmişəm, bir də qəlbim……….Həmişə hamını anlamağa çalışmışam, dostlarımı, yaxınlarıımı, SƏNİ………….Amma insanlar çox tez bir zamanda gözümdən düşür. Əvvəllər belə deyildim, bu, son zamanlar həyatımda baş verənlərlə bağlıdır yəqin. İnsanların adi bir səhvi onları gozümdən salır. Nədənsə son zamanlar hamıdan ideallıq tələb edirəm. Sonra da insanları yalnız layiq oldugu qədər sevə bilirəm, bundan çox yox! Bilmirəm nədəndir, amma indi Faiq Ağayevin ifasında “Ömür bumu?” mahnısı yadıma düşdü……..

Ömür bumu, gələr-gedər nə etsən ayrılıq sonu?

Ömür bumu, çalış vuruş imtahandır hər addımı

Ömür bumu, həsrət odundan keçir sevginin yolu

Ömür bumu, sənsizliyi mənə verən omu.

Səbəbi yox göz yaşlarımın

Sən buna layiq deyilsən ürəyim mənim

Həsrət dolu baxışlarımın ünvanı kədər.

Yalan satan sirdaşlarımın

Hədəfinə çevrilmisən ümidim mənim.

Sevilməyi heç bacarmadın

Bir ömür qədər.

Ömür bumu, hicran qapısında bitər eşqin yolu

Ömür bumu, alışdım ayrılıqlara, yoxmu sonu?!Qürurumu sənin xəyanətin köksündən vurdumu?Sevgi bumu?????? hər acıya səbəb olan omu??????

İlkbahar zamanında tanıştım seninle
İlk ay, ikinci haftasında
Uzun sohbetler, güzel anılar paylaştık zamanla
Birbirimizi tanıdık yavaşça,
Ben hayatımı anlatırken, sen hep dinlerdin beni
Bana destek çıkar, beni düşünürdün
Bense bundan fazlasını istemeye başlamıştım artık
Küçük titrek bir mum ışığının yansıması olmaktan çok
Her gün senin üzerine doğan bir güneş olmak istedim
Sadece beni dinlemenden çok seni tanımak istedim
Nefesini hissedecek kadar yakın olamayacağımı bilmeden,
Senin nefes alışlarınla hayata tutunmaya başladım
Bazen yalnızlıklara gömüldüm, sana söyleyemedim bunları
Yalnızlıktan çok seni üzmekten korktum sadece
Dertleri bir kenara bıraktım, belki de onlardan kaçtım yıllarca
Yıllar geçtikçe yeni anılar paylaştıkça büyüdüm zamanla
Öğrendim yaşayarak bazı şeylerin yalnız kalması gerektiğini
Tıpkı dolunayın binlerce yıldız etrafında olması kadar,
Kendi içinde yalnız olduğunu anladığım zaman…
Binlerce arkadaş, dost veya diğerleri,
Kendi içimde yalnızım ben aslında…
Cevaplar yıllarca üst üste birikiyor kalbimde
Açıp bakmak zor geliyor bana.
Cevapların doğruluğundan çok gerçeklerle yüzleşmek zor aslında…
Yıllar sonra gerçeklerin arasından sıyrılıp
Seninle ilk kez göz göze geldiğimiz yerde
Sana arkamı dönüp gittiğimde
Asla pişman olmadım diyorsam
İşte bu bir yalandır…
Gerçekler acıdır sevdiğim,
Yıllar sonra ilk ve son kez
Sana söyleme cesaretinde bulunuyorum
Seni Seviyorum…