Sən olan yerlərə ayaq basmaram

Sən sevən sevgini sevgi sanmaram

Arxanca boylanıb sənə baxmaram

Sən mənim yolumu gözləsən belə

***

Getdimsə geriyə dönmərəm daha

Sən məni axtarıb arasan belə

Dedimsə sözümdən dönə bimərəm

Sən mənim yolumu gözləsən belə

***

Yolumu gözləyən tək sən deyilsən

Yolumu gözləyən çoxları olub

Qəlbimdə sən deyil,özgəsi olub

Sən mənim yolumu gözləsən belə

***

Ümidlə yollara dikilsə gözün

Yenə də geriyə dönməyəcəyəm

Mən səni axtarıb sormayacağam

Sən mənim yolumu gözləsən belə

***

23.dek.09

Müəllif : Kənan AY

Günahım sevməkdirsə Bağışla Məni

Bir gün tərk edərəm Gülüm, mən səni.

Olmuşam eşqindən mən artiq dəli

Günahım sevməkdirsə Bağışla Məni!

***

Eşqindir həyatda yaşadan məni,

Eşqsiz insanın nə dərdi qəmi?

Olmuşam eşqinin bu gün əsiri

Bağışla sevgilim Bağışla Məni!

***

Gül tək qoynunda saralıb soldum

Bu eşq yolunda mən həlak oldum.

Səni sevərkən sevilməz oldum

Bağışla sevgilim Bağışla Məni!

***

Günəş tək qəlbimə nur ələdin sən

Göylərdə sayrışan bir ulduzam mən.

Qəlbində acı tək yaşıyıram mən

Bağışla sevgilim Bağışla Məni!

***

Sənə vurulan o gündən bəri

Yaşıyır qəlbimdə hicran qəmi

Çatıb sevgimizin ayrılıq dəmi

Bağışla sevgilim Bağışla Məni!

***

Müəllif : Kənan AY

Mən sənin sözünə, son istəyinə,
Bir cavab tapmadım, daha nə deyim.
Neçə yüz arzuma, milyon səyimə,
Çatmağa canımda qalmayıb heyim.

Min dərdə rast gəldim ömrün bu çağı,
Gör necə kəsildi yolağam, yolum,
Qismətim özümə kəsildi yağı
Qoymadı bircə gün kədərsiz olum.

Dünən ki sözünü, şirin vədini,
Bəlkə də boynundan ata bilərsən,
Gözləyib insanlıq sonlu
həddini Başımı beləcə qata bilərsən.

Baxışın, gülüşün azarım, balam,
Bir zaman uymuşduq sevda dəminə.
Kim sənə nə dedi, nə oldu balam,
Mən elə əzəlki, mən ki həminəm.

Üz tutdun düyünə, neçə döngəyə
Unutdun istəyi, içdiyin andı,
Sözünə Quranın ayəsi deyə
Son anda yenə də sənə inandım.

Ömrümüz ötəcək kədər, qəminən
Gedəcək ürəkdən o hiss, o istək,
Ayrılıq sıxacaq, yanacaq sinəm.
Yoluma baxassan bənövşələr tək.

Aradın hər saat sən məni, Mən də!
Bu hissə, həvəsə ötüşən dedik,
Sən demə, köz olur ocaq sönəndə,
Sən demə, biz belə fikirləşmədik.

Mən sənin sözünə, son istəyinə
Bir cavab tapmadım, daha nə deyim,
Neçə yüz arzuma, milyon səyimə
Çatmağa canımda qalmayıb səyim.

04.10.1993

Müəllif: Sərdar Zeynal

Ey könül, etmə qəmini ta bu məhbubələrin,
Yoxmu dünyada sənin özgə qəmin, dərdi-sərin.

Ibrət et Yusifi Kənana olan riyadan,
Xabi-qəflətdən ayıl, bir də xəyal eylə dərin.

O qədər zülfi-pərişanı görüb mat qalma,
Xəyalın göydə uçurkən qırılar balu-pərin.

Sınayıb çoxları aşiq kimi sevda yolunu,
Görməyib əhdə vəfasını bu məşuqələrin.

Çox giley eyləməyin bil, sənə nöqsan yazılar,
Sözlərin bal kimi varkən acı salma yerini.

Bir göyərçin kimi əldən uçurub gəncliyini,
Gəl, Ziyəddin, ələ al bir də şeir dəftərini.

Müəllif: Ziyəddin Səlim

Mən sənin qəlbinin dərinliyində
Yatan bir duyğuyam, oyanacağam.
Dünyanın ən mərhəm, isti rənginə
Məhəbbət rənginə boyanacağam.
***
Sən mənim bir ümid çırağım idin,
İstəyim, həvəsim, marağım idin.
Ən xoş sədam idin, sorağım idin,
Indi bir gümana dayanacağam.
***
Sevən seviləndən gərək yarına.
Yar deyən yarından gərək barına.
Tufanlar qoparan ədalarına
Palıd vüqarıyla dayanacağam.

Müəllif: Ziyəddin Səlim