PostHeaderIcon Ölüm qapısı

Çox qapılar açdım bir-bir,
Açdım, baxam bu sirr nədir,
Mənlə qapı arasında
Nə var qapı arxasında.
Əvvəl bu dünyanın açdım
Bəzədilmiş qapısını,
Sonra içəriyə qaçdım,
Gördüm ağrı acısını.
Diqqət etdim bu dünyaya,
Nifrət etdim bu dünyaya.

İstədim ki, qaçam geri,
Gördüm, yoxdu qapı yeri.
Onda bildim, aldanmışam,
Bəzədilmiş o qapıya
Könül verib inanmışam.
Necə çıxım bu dünyadan,
O qapını necə tapım?
Bu dünyadan çıxmaq üçün
Nəyi söküm, nəyi çapım?
Bu dünyadan o dünyaya,
Bir qapı var mənim könlüm,
O qapının adı ÖLÜM

Müəllif:Niyam Aqil


Be Sociable, Share!

Yorumlara kapalı..