PostHeaderIcon Div telefonları…

Beş yaşlı oğlan
Qəbir daşlarını
Cib telefonları bildi…

– Bu nəhəng telefonları
Bura kim düzüb belə?
Hansı divindi bunlar?
Kimə zəng etmək olar
Bu boyda telefonlarla?

Beş yaşlı oğlanın
Başından
beş dəfə böyük sualları
cavabsız qaldı…

əlimdəki
cib telefonuna baxdım –
əlimdə
kimin başdaşıydı?
İndi zəng çalınsa
Üstündə
Kimin adı yazılacaq bu başdaşının?..

…molla qardaş,
Al bu beş manatı,
Yığ ölənlərimin
Başdaşlarındakı rəqəmləri,
Çağır
Bu div telefonlarının
Üstündəki adları,
Bir
Polifonik
Yasin oxu onlarçın…
Bir
Salavat mesajı göndər…

Müəllif: Cavidan


Be Sociable, Share!

Yorumlara kapalı..